- Berezkoen Superprestigioa
Etxetok agerian utzi ditu Waltariren gabeziak
ETXETO 40
WALTARI 27
EZKURRA II 40
MUSKARDITZ
28
DONIBANE GARAZI
Etxetok aurten ere Superprestigioko txapela lortzeko faborito dela erakutsi zuen. Atzo Waltari zen irabazteko faboritoa, baina ikusi zuen Masterrean gertatu zena berriro errepikatzea zaila dela, jadanik bere jokatzeko era ezagutzen baitute hemengo pilotariek ere, eta dituen zuloak topatu zizkion atzo Etxetok. Botez gainera hamabost kintze egin zituen. Egungo txapeldunak finala jokatzeko lehen urratsa eman du, atzo kubatarra menderatuta.Paxkal Ezkurrak ez zuen hutsik egin, eta mendean hartu zuen Rene Muskarditz. Bi pilotariek, ordea, neurketa oso polita eskaini zuten. Urruñako pilotaria aitzineratu zen hastapenetik, baina Muskarditz kintze bakar batera jarri zen, 28-27. Bazirudien Donibane Garaziko pilotaria berriro jokoan sartzeko moduan zela, baina ordura arte egindako lanaren ordaina jaso zuen, eta Ezkurrak ez zuen barkatu, eta zuzenean joan zen berrogeigarren kintzearen bila. Datorren igandean Ozafrainen aurka jokatu beharko du.
|
