DONOSTIA

Legorretako aizkolariak joan den igandean bota zuen desafioa, eta berak 14 kana-erdikora jokatuko luke aizkoran, eta gero ordu eta erdi bete bitarte segan arituko litzateke. Apustu hori egiteko, ordea, bi izen baztertu zituen: Olasagasti eta Erasun. Bi horiek kenduta, edozeini jokatuko lioke, lehen aipaturiko lantegi horretara.

Apustua ekainean edo uztailean jokatzeko izango litzateke, eta legorretarra 6.000 euro dirutan jokatzeko prest legoke. Lasa aizkoran aritu da orain arte, baina segan ere ez omen da gaizki moldatzen, eta desafio misto hori bota du. Orain ikusteko dago zein edo norbait agertuko zaion gaur. Apustua egiten bada, urteko lehenengoa izango da.