Azaroaren 23tik 25era ospatuko da aurten Getxoko seigarren komiki azoka. Areetako geltokiko plazan jarri ohi duten karpaz gain, Erromoko Sta. Eugenia plazan ere kokatuko da azoka estrainekoz, ekialdeko manga komikiari eskainitako karparen bitartez. «Friki» fama dute komiki zaleek eta ez dirudi ospe hori ezeztatzeko asmorik dutenik. Alta, ezin esan aspertzeko betarik dutenik antolatutako egitarau oparo eta mamitsuari begiratua botata.

San Frantzisko auzoko Mariaren Bihotza plazan, hiriaren erdigunean, XVI. mendeko aztarna arkeologikoak aurkitu eta ikertu dituzte hilabetetan. Orain, auzotarrek ikusgai dituzte bertan egindako aurkikuntzak.

Datorren ostiralean hasiko dira Bilbon Hedabide Komunitarioen IV. Topaketak. Aurtengo edizioa Tas-Tas irratiak antolatu du eta hiru egunetan zehar Estatu espainoleko eta kanpoko hedabideak elkartuko dira bertan gaur egun dituzten arazo eta erronkak aztertzeko.