Mikelazulo kultur elkarteak eta Banda Bat taldeak antolatuta, Lupa dokumentalen mostra egingo da hilaren 30etik maiatzaren 4a bitartean Donostian eta Errenterian. Ekimen honen bitartez, publikoari zuzendutako dokumentalen proiekzioak eta dokumental munduko profesionalen topaketa eta mahai-inguruak uztartu nahi dituzte.

Eguna hasteko proposamen gisa, goizero «Kale Gorrian» saioa igortzen du Info7 irratiak. Bi ataletan bana daiteke irratsaio hau: Martin Garitanok politika gaiei eskaintzen diena eta, Itziar Arteagak gidatuta, gizarte mugimenduei arreta jartzen saiatzen dena.