Barkoxe herriaren esku zen aurtengo maskaradak joan den igandean bukatu zuen Zuberoako herrietan zehar urtero egiten duen ibilbidea. Alozeko herria bestalde «Belagileen tragedia» izeneko pastorala ari da prestatzen uztailaren 26an estreinatzeko. Antzinako tradizioari eusten dioten bi adierazpideek Zuberoako gazteen artean arrakasta handia lortu dute azken urteotan; euskararen galtzearekin zuzenki lotuta dagoen fenomenoa da.

Hamar urte joan dira Berriozarreko frontoian lehenengo Hatortxu Rock jaialdia ospatu zenetik. Hamar urte, garak bide berri bati ekin zionetik ere. Anitzak izan dira biek tarte horretan bidean gainditu behar izan dituzten oztopoak. Badago zer ospatu, nahiz eta oraindik lanean jarraitzeko inoiz baino motibo gehiago dagoen. Horretarako, garak eta Hatortxu Rockek bat egingo dute ekainaren 19, 20 eta 21ean Lakuntzan ospatuko den elkartasun jai erraldoian.