AEK-k Bertsozale Elkartearekin elkarlanean antolatu duen bideokopla lehiaketari amaiera emateko bukaerako besta egingo da larunbatean Iruñeko Iruñazarra sagardotegian, eta bertan gauzatuko da saria: sagardotegian bertso bazkaria, alegia. Aurtengo talde sarituak hauek dira: irabazleak Iruñeko Hizkuntza Eskola Ofizialeko Bertso-eskolako ikasleak izan dira; bigarrenak, Garesko AEK-koak (hauek publikoaren saria ere irabazi dute); eta hirugarrenak, Lizarrako AEK-koak.