- CFA
Zulotik irteteko beste aukera bat du Genetsek
ANGELU
Genetsek, mailari eusteko egiten ari den borrokan, beste aukera bat izango du gaur, eta garrantzitsua, gainera, bere parean dabilen talde baten aurka jokatuko baitu.Hori-berdeek Briven jokatuko dute 19.30ean hasita, eta garaipena lortuko balute, gaurko aurkaria gainditu eta zulotik irteteko modua egingo lukete. Joan den larunbatean lehen sailkatua mendean hartu zuten etxean Angelukoek, eta horrek jokalariei indar handia eman die. Hala ere, euskaldunek askoz ere hobeto jokatzen dute goiko aldean dauden taldeen aurka, eta puntu gehiago atera dituzte igoerako postuetan dabiltzan taldeekin, beren moduan, mailari eusteko borrokan dabiltzan taldeekin baino. Hala ere, hori apurtzeko parada ederra izango dute gaur, Briven.
|
