- Top 14
Biarritzek partida zaila izango du Clermonten
BIARRITZ
Biarritzek irteera zaila izango du gaur, 17.30ean, Clermonten zelaira. Norgehiagoka hori Frantziako Canal+ telebista kateak emango du.Zuri-gorriek sailkapeneko lehen postuan jarraitzen dute, eta horri eustera joango dira Clermont aldera, baina ez da ahaztu behar datorren astean Europako Kopako final-laurdenak dituztela, eta hori buruan dutela jokatuko dute. Biarritz sailkapeneko lehen postuan dago. Jokatutako partidetatik 14 partida irabazi, eta 5 galdu ditu. 463 puntu egin ditu, eta 23 galdu. 10 puntu gehigarri egin ditu taldeak. Clermont, berriz, zazpigarren dago 51 punturekin, eta lehen lauretan sartzeko azkenetako aukera du. Partida bat falta zaio jokatzeko, eta orain artekoan, 11 irabazi ditu, eta zazpi galdu. 444 puntu egin ditu, eta 373 jaso. zazpi puntu gehigarri egin ditu. Jokalariei dagokienez, Yachviliri atseden eman dio Biarritzek, eta Lievremont eta Thion aulkian egongo dira. Clermonten, berriz, Mignnik, Malniez-ek, Shvelidze-k eta Falieres-ek ez dute jokatuko. Beraz, hutsune asko izango dituzte.
Finalerdiak, Donostian
Bestalde, Nazioarteko Federazioak baietza eman dio Biarritzi, eta Saleren aurkako final-laurdenetako kanporaketa gainditzen badute, finalerdiak Donostian Anoetako estadioan jokatuko dituzte. Beraz, Donostiak goi mailako bi partida izan ditzake.
|
