IRUÑEA

Txupinazoak sanferminei hasiera eman baino pare bat egun lehenago, Ion eta Garikoitz Altunak XV. San Fermin Torneoko bigarren finalerdia jokatuko dute gaur Iruñeko Labrit pilotalekuan. Zain dute Bitoria ostegunean Huarteko Euskal Jai Berriko jaialdia irekiko duen final nagusian.

Azpetiko gazteak lehiaketako hirugarren ezustekoa eman nahi du aurrez Etxeberria III.a eta Etxabe bezalako bi pilotari handi kalean utzi eta gero. Finalean sartzea lortuko balu, abuztuko Buruz Buruko Txapelketan bere lekutxoa ziurtatua izango luke atzelariak.

Aurrean, ordea, Altuna II.a izango du, aurrelari beteranoa eta binaka sekula baino joko hobearekin dabilena. Amezketakoa irtengo da segur aski faborito, Labrit pilotaleku motza izaki, aurrelariak abantaila pixka bat izan lezakeelako, baina Ionen kolpeak ere min egin liezaioke Altuna anaietan gazteenari. Ondoren, lehia polita Ezkurra eta Patxi Zeberio aurrelarien artean.