Emakunderen goiburuak bazterketa salatuko du
GASTEIZ
Emakundek jakitera eman zuen biharko mobilizazioetarako hautatutako goiburua: “Irabazi emakume batek bezala”. Izaskun Moyua erakunde honetako zuzendariak adierazi zuenez, horren bidez salatu nahi dena emakumeei egiten zaien bazterketa da, gaur egun, oraindik ere, emakumeek gizonezkoek baino %26 gutxiago irabazten dutela lan bera eginez.
Hori dela-eta, Moyuak soldata berdintasuna eskatu zuen. Horri dagokionez, «banaketa horizontal eta bertikalak emakumeak lanpostu jakin batzuetara» bideratzen dituela salatzeaz batera, horrek emakumeentzako hainbat traba ekartzen dituela gaineratu zuen, ez baitie botere postuetara eta zenbait lanpostu jakinetara iristen uzten. Bazterketa hori, gainera, iritzi publikoarentzako «ikusezina» edo identifikatzeko zaila dela salatu zuen.
|
