Girondeko prefetak Bil ta Garbiren plana desegin du
BORDELE
Girondeko prefetak inportazioen hondakinak mugatzea erabaki zuen joan den astean. Baionako Bachefores errauskailua itxi zenetik eta kostaldeko eta barnealdeko zabortegiak prest egon arte Ipar Euskal Herriko 65.000 tona hondakin Gironden aurkitzen den Lapouyade zabortegira eramatea hitzartu zuen Bil ta Garbik.
Hitzarmen horrek eztabaida oso latzak sortu zituen Gironde eskualdean, eta horren ondorioz prefetak hondakinen tonelaketa erdira jaistea erabaki zuen. Gainera, prefetak tonelaketa hori urtetik urtera jaistea erabaki du, horrekin Euskal Herriko arduradunak erabaki bat ahalik eta lasterren aurkitzera bultzatzeko.
Lapouyadeko zentroa kudeatzen duen Onyx sozietateak proposatu du soberan gelditzen diren hondakinak urrunago dagoen Charente Maritimen duen beste zentro batera eramatea.
|
