- Profesionalak
Boonen eta Petacchi garaipenak pilatuz doaz
·Flandestarrak Davis menderatu zuen;Petacchi, azkarrena Italian
BILBO
Tom Boonen gazteak denboraldiko zortzigarren
garaipena erdietsi zuen atzo esprintean, Paris-Nizako 193 kilometroko
lehendabiziko saioan. Bide batez, Quick Step taldekoa lider berria da
gain-sariei esker.
Hotza eta euria protagonista izan ziren etapan, baina
horrek ez zituen txirrindulariak makurtu. Izan ere, Zabriskie (CSC)
estatubatuarrak hanka egin zuen 13. kilometroan, eta buru izan zen 51.ra arte.
Dena den, ihesaldi nagusia ondoren heldu zen, Laurent (Agritubel) eta Auge
(Cofidis) frantsesen eskutik.Guztira, 120 kilometro izan ziren tropelaren
aurretik, eta hamar minutuko aldea ere lortu zuten.QuickStep eta Davitamon-Lotto
taldeek, ordea, erritmoa bizitu zuten; helmugatik zazpi kilometrora lasterketa
batu zen.
Azken metroetan, Davis (Liberty) Boonen ezustean hartzen
saiatu zen; alferrik, ordea. Flandestarrak, indarrez gainezka, aise gainditu
zuen Oiartzungo australiarra eta besoak altxatu zituen, berriro ere.
Gaur 200 kilometroko saioa izango da, ordekan.
|
