- Idi-probak
Lau uztarrirekin abiatuko dira Bakioko probak
DONOSTIA
Bakion gaur bertan hasiko dira jokatzen bertako probak, eta astelehen gauean amaituko dituzte. 21.00etatik aurrera izango dira proba guztiak, igandean izan ezik, egun horretan, 18.00etan izango baita ikuskizuna.
Gaur, Telleriaren, Txertudiren, Lopategiren eta Tio Legarretaren uztarriak izango dira. Bihar, Landazabalenak, Basarrirenak, Intxortarenak, eta Illarretarenak. Etzi, Telleriarenak, Zerainenak, Ixamarenak eta Illarretarenak. Astelehenean, Artolarenak, Andrakasenak eta Mendiperenak izango dira nor baino nor.
Aulestian, berriz, zaldi-mando probak jokatuko dira. Bihar, Maitaneren, Aurrekoetxearen eta Txertudiren abereak arituko dira, eta astelehenean, Canonen, Alegriaren eta Larazabalenak izango dira. Bi egunetan 21.00etan hasiko dira probak. Hilaren 25ean jarraituko dute.
|
