Eskolak euskalduntzearen aldeko kanpaina Baionan
·Sinadura bilketak Seaska, EuskalHaziak eta Biga Baien bestetan eginen dira, besteak beste
BAIONA
Bai eskolak euskalduntzeari! sinadura bilketa kanpainaren berri eman zuten atzo Baionan. Seaska, Euskal Haziak, Biga Bai, UEU, AEK, Euskal Irratiak, EHE, Euskal Konfederazioa eta IA elkarteek ekimenarekin bat egin zuten, eta izenpetzearen garrantzia nabarmendu zuten. Lapurdi, Nafarroa Beherea eta Zuberoan eskolek ez dutela euskalduntzen gogora ekarri, eta euskalduntzearen alde indarrak biltzeko eta aktibatzeko beharra zegoela esan zuten. Kanpaina otsailetik maiatzera bitartean eginen da, eta herritar guztien sinadura ezinbestekoa dela gogorarazi zuten. Seaska, Euskal Haziak eta Biga Baien bestetan izenpetze mahaiak jarriko dituzte, eta, bestalde, Baionako Elkar Megadendan ere izenpetzen ahalko da. Sinadura guztiak bildu ondoren, Euskararen Erakunde Publikoari emanen dizkiote eta euskaldunduko duen politika berria egin dezan bilkura eskatuko diote.
|
