BAIONA

Lurda, Perigueaux eta Massy izango dira gorri-berdeen aurkariak, eta liga sisteman jokatuko dira partidak. Hasteko, bihar 15.00etatik aurrera Lurdan jokatuko dute hango taldearen aurka. Lehen fasean ere elkarren aurka aritu ziren, eta lapurtarrak nagusitu ziren. Euskaldunek hirugarren fasean izateko itxaropen osoa dute.

Gainera, Donibane Lohizunekoak ez dira bakarrik izango, bihar 9:00etan abiatuko baitira autobusak Lurda aldera, taldea animatzeko asmoarekin. Aurten itxaropen handia dago Donibane Lohizunen, eta lehen izandako distira berreskuratu nahi dute. Zaleak taldearekin bat eginda daude asmo horrekin.

Bigaren Mailan, euskal taldeek asko dute jokoan. Hiru igoera fasea jokatzeko txartela eskuratu nahian dabiltza, eta bat mailari eutsi nahian dabil. Seigarren multzoan, Angeluk mailari eutsi nahi dio, eta horretarako puntuak ezinbestekoak ditu. Hori-urdinek Villenauve Marsan hartuko dute. Bokale sailkapeneko lehen postuan dago, eta horri eutsi nahi dio Castelsarrasinpisen zelaian. Nafarroa, berriz, hirugarren dago, eta horiek ere garaipena nahi dute, txartela ahalik eta azkarren segurtatzeko. Bazas hartuko dute hori-gorriek. Zazpigarren multzoan, Maule bakarrik da euskal ordezkaria, eta zuberotarrak lehen postuan daude. Horri eusteko asmotan, Bizanos hartuko dute. Partida horiek bihar jokatuko dira, 15:00etan hasita.

Ohorezko B Maila