BAIONA

Frantziarrak euskaldunak baino postu bat atzerago daude, nahiz eta partida bat gutxiagorekin dauden oraindik, norgehiagoka bat atzeratuta bai baitute haiek ere.

Lapurtarrak sailkapeneko hamaikagarren postuan daude 25 punturekin, sei partida irabazi eta hamaika galduta. Guztira, 320 puntu egin dituzte, eta 547 jaso. Puntu gehigarri bakarra lortu dute. Aviron postu bat gorago dago, hamargarren, alegia, sei irabazi, bat berdindu eta 11 galduta. 347 puntu egin dituzte, eta 429 jaso. Bost puntu gehigarri egin dituzte.

Zenbakiei begira jarrita, euskaldunenak askoz hobeak dira, eta horixe aprobetxatu behar luke gaur arratsaldean. Garaipena eskuratuko balute, mailari eusteko urrats handia emango lukete, eta heldu den urtean maila nagusian jarraitzeko txartela ia-ia eskuetan izango lukete.

Jokalariei dagokionean, Tewhata, Laurent, Fromont eta Thierry baja izango dira Avironen, eta Lamour eta Hill, berriz, zalantza izango dira azkeneko unera bitarte. Narbonnek, berriz, Tomik eta Bortolamiren falta izango du. Aviron etxetik at ez dabil ongi, baina gaur bigarren garaipena eskuratzeko itxaropenarekin daude.