ATARRABIA
Xabier Silveirak lortu zituen puntu gehien Atarrabiako kultur etxean atzo arratsaldean jokatu zen Nafarroako Bertsolari Txapelketako azken finalaurrean. Silveirak 433,5 puntu lortu zituen eta JonBarberenaren aurretik (418,5) jarri zen.
Sailkapenean ondorengo bertsolariak izan ziren Iñigo Olaetxea (391), Iñigo Ibarra (371), Jon Elizetxe (358) eta IñakiAleman (340).
Jendea oso gustura geratu zen atzoko saioarekin. Aretoa leporaino beteta eta giro ezin hobean egin zuten ekitaldia. Orain arte egin dituzten hiruretatik onena izan zela aipatu zuen bildutako jendeak
Iruñerriko bertso eskoletako haurren agerraldiarekin hasi zen saioa. Bertaratutako entzulegoari ongi etorria ematea egokitu zitzaien.
Hala, atzokoaren ostean, finalerako Xabier Silveira, Arozena, Etxabe, Barberena, Olaetxea, Zelaieta, Lagoma eta Soto sailkatu dira.
