Batasunaren eta Otegiren aurka ekiteko eskatu dio PPk Fiskaltzari
MADRIL
PPko Politika Autonomikoen idazkari Soraya Saenz de Santamariak,Madrilen eginiko agerraldian, Arnaldo Otegiren aurka ekiteko galdegin zion atzo Estatu espainoleko Fiskal Nagusi Candido Conde-Pumpidori, Bata- suneko bozeramaileak atzo Donostiako manifestazioan parte hartu zuelako eta manifestatzea debekatua zutenak manifestatu direlako. Euskadiko PPko presidente Maria San Gil, berriz, Grande-Marlaska epaileari zuzendu zitzaion, eta Otegi berriro kartzelatzeko eskatu zuen. Epaileak «justizia eta zuzenbideko estatua» babesten segituko duen itxaropena azaldu zuen San Gilek. «Otegi berriro kartzelara sartu behar bada, sar dezala, eta inor ez dadila ikaratu ezta ezbaian jarri ere bake prozesurako arriskutsua izan daitekeela», gaineratu zuen. AVTk ere Otegiren aurka ekiteko eskatu du.
|
