STEE-EILAS: «Euskal Herri soziala nahi dugu»
DONOSTIA
«Euskal Herri soziala nahi dugula esateko aterako gara kalera maiatzaren 1ean». Maiatzaren Lehenean, STEE-EILASek aldarrikapen hori zabalduko duela aurreratu zuen atzo. Elkarretaratzea antolatuko du horretarako. Hain zuzen ere, sindikatu horretako kideak Iruñeko Takonera lorategiaren aurrean bilduko dira, 12.00etan.
Bestalde, STEE-EILASek Gasteizko legebiltzarrak atzera botatako Legegintzako Herri Ekimenari (LHE) buruz hitz egin zuen, eta Nafarroan aurkeztutakoak bide berbera jarrai dezakeela esan zuen. Lakuaren kasuan, alderdiek ez dutela beren proposamenaren edukia eztabaidatu nahi kritikatu zuen. «Erakundeek herritarron eskubideak bermatu behar dituztela esaten genuen, baita zenbait esparrutan aurrerapen zehatzak proposatu ere: menpekotasuna, osasuna, hezkuntza, etxebizitzaŠ», adierazi zuen sindikatuak, eta alderdiek ez dutela eredu sozialaz hitz egin nahi berretsi zuen.
|
