- Berezkoak
Ibarrola-Maitek ezusteko latza eman dute Angelun
ANGELU
Ibarrolak eta Maitek eman dute Angeluko Torneoko ezusterik handiena, finalerdietan faboritoak ziren Idiart eta Etxetori 40-25 irabazita.Partidaren gakoa atzean egon zen, Thhierry Etxetok oso egun txarra izan baitzuen, eta hogei pilota inguru huts egin zituen. Horrela ezinezkoa da irabaztea, nahiz eta Idiart ahalegindu zen aurrean. Ibarrolak eta Maitek uste baino partida erosoagoa izan zuten. Bigarren finalerdian ez zen ezusterik izan, eta Larretxea-Ezkurra II.ak 40-30 menderatu zituzten Sorhuet-Dermit. Neurketa oso ona izan zen hori, baina atzean Ezkurrak erakutsitako maisutasunak erabaki zuen kanporaketa. Finala hilaren 24an jokatuko dute Ibarrola-Maitek eta Larretxea-Ezkurra II.ak.
|
