IRUÑEA. ­ Pirinioetako bailaretan despopulatzeak, zahartzeak, lan eskasiak eta komunikazio txarrek eragindako egoera konpontzeko «egiazko» plan bat egin dezala eskatu dio Batasunak Nafarroako Gobernuari, hark aurkeztutakoa, Batasunaren iritziz, «plan-itxura» bat baino ez baita. Alderdi abertzalearen arabera, plan horrek bi helburu ditu: «Nafarroako gizarteari Pirinioekiko kezka eta konpromisoa agertzea» alde batetik, eta bestetik, «udaletako eta bailaretako batzarretako euren ordezkariei zer saldua ematea» bertan garatu duten politika «negargarria» ezkutatzeko.