Yann Tiersen-en kontzertua izango da gaur Bilbon
BILBO
“Amelie” eta “Good bye, Lenin” filmetako soinu bandek eman zuten ezagutzera 33 urteko bretoia gurean. Orain, bost laguneko banda osatu eta Santana 27 aretoan dugu “Les Retrouvailles” lana aurkezten, 22.00etan.
Nerabezarotik Europako kontserbatorio nagusietan ikasle, instrumentista bikaina dugu Yann, eta arrabita, pianoa, soinua edo gitarra jotzeko gai da. Chanson malenkoniatsutik rock distortsio bortitzenetara, arlo zabala jorra dezake zuzenean.
98ko “Le Phare”rekin egin zuen legez, Ouessanteko uhartean konposatu du diskoa, «berriro elkartzea» deiturikoa. Bertan, Liz Fraser-ek (Cocteau Twins) eta Stuart Staples-ek (Tindersticks) abesten dute, baita Jane Birkin-ek ere. Lan horri laguntzen dion filma aurki helduko da, Aurelie Du Boysek zuzendu duen “La Traversee”.
|
