- Itzulera
Biarrizko herriak dena lotuta dauka jadanik
BIARRITZ
Biarrizko herriak dena prest dauka datorren astebururako. Larunbatean, bi pantaila erraldoi jarriko dituzte. Bata Plaza Berri pilotalekuaren alboan, eta bestea Agilera estadioan.
Taldea larunbat gauerdian iritsiko da Biarritzera, eta irabazten badute hegazkinetik jaitsi orduko egingo diote lehen omenaldia. Handik Agilerara joango dira, eta hortik aurrera, ahal duenak ahal duena egingo du.
Igandeko jaia 16.00etan hasiko da, Agileran. Handik autobusez herria zeharkatuko dute eta 18.00etan herriko etxean izango dira. Horko lanak amaitutakoan Kasinora joan, eta han egingo diote azkeneko omenaldia. Galtzen badute, Kasinoko ekitaldia bakarrik izango da. Bestetik, taldea animatzen ibiltzen den Indioa-k bere auto eta jantziarekin Euskal Herri osoa zeharkatzeko asmoa du.
|
