Erakunde "apartheid"aren 3. urteurrena
Oztopoak gaindituz, salaketa nagusi
ELORRIO
Apartheid-a gainditzea helburu izan du ezker abertzaleak Elorrion ere, eta,
horri eutsita, legegintzaldi hasieran EAJrekin hainbat bilera egin zituen.
«Egoera eta legalitate espainola gainditzeko» gutxiengo batzuk planteatu zituen
bertan Elorrixo Herri Bilguneak, baina, «goitik aginduta» zeukatela argudiatuz,
ez zela inolako aurrerapausorik eman gogora ekarri du Niko Moreno hautetsiak.
«Apartheid-a erabatekoa da, udal taldeek erabat onartu baitute Alderdien Legea
eta haren ondorioak», esan du.
Hala ere, hiru urteotan, apartheid-aren salaketa
gailendu da Elorrion. Egoera hau udalbatzarretan salatzearekin batera, kalean
ere egin dute. Horrez gain, herritarren bozen arabera, Elorrixo Herri Bilguneari
zegozkion sei eserlekuak hartuta zeuzkaten zinegotziei interpelazio indibidualak
egin izan zaizkie.
Interlokuzio eza
Horren ondorioz, EAko zinegotzi batek udal batzarretara ez joatea erabaki du dimisioa aurkeztu ez badu ere eta PSEko beste batek dimisioa ematea lortu dute, baita bere ordezkoak ere, nahiz eta zerrendako laugarrenak kargua hartu duen. Hala ere, herri plataformak ez duela inolako interlokuzio egonkorrik lortu agertu du Morenok, eta, Udalean «oposizio politikorik» ez dagoela nabarmenduta, apartheid-aren ondorioz «baldintza demokratikoak» desa- gertu eta herritarrengandik Udala erabat aldendu dela ziurtatu du. «Hori ez da herriak hautatu zuena», ohartarazi du Morenok. -
|
