OIARTZUN

Oiartzunen ere herriaren hitzari bizkarra emanez aritu dira hiru urte hauetan Udalean. EA buru duela, EB, EAJ eta Aralar alderdiekin batera, apartheid egoera gainditzeko hiru proposamen desberdin izan arren, ez du inolako pausorik eman.

Zenbait harreman dinamika izan ditu Abertzaleon Oihartzuna plataformak; hain zuzen, apartheid-aren aurka zeudela zioten Udaleko kide horiekin. Gestora bat osatzeko, erabakiak hartuko zituen Udalaren egitura paralelo bat eratzeko edota LOREG legea aplikatzeko galdegin arren, ez dute onartu.

Atzerapausoak euskaran

Lehenik eta behin, zinegotzien eta alkatearen soldatak igo zituen udal berriak. Jarraian etorri ziren diru-laguntzak murriztea, euskararen alorrean atzerapausoak ematea edota euskal presoen argazkiak kenaraztea, nahiz eta herriak gero berriro ere jarri zituen.

Aralarren eta EBren akordioaren arabera, bi urtez behin ordezkari bat egongo zen eta ondorengo bietan beste alderdikoa. 2005eko ekainean, aldiz, Aralarreko ordezkariak bigarren aulkia hartu zuen. Nahiz eta gero dimititu, oraindik Udalean lanean eta soldata jasotzen jarraitzen duen susmoa du AOk. -