HERNANI

Legedi espainolak ezkerreko herri plataformen eta abertzaleen aurka ezarritako ilegalizazioari men egin zaiola-eta, udalerrietan ondorio nabarmen ugari izan da, eta are eta esanguratsuagoak izan dira Hernanin, historikoki ezker abertzaleak nagusitasuna izan duen herri guztietan bezala.

Bildu Hernanik jaso zuen herritarren boz kopuru handiena, baina hauteskundeak igaro bezain laster udaletxeko sarrailak aldatu izanak, ate nagusia itxi izanak eta «kontrol sozialerako kamerak» jarri izanak, bai eta Udaltzaingoaren buru gisa ertzain bat izendatzeak, argi irudikatu zuten ezker abertzaleari ezarritako apartheid-a. Horren erakusle izan zen, gainera, 2003ko ekainaren 14ko udal eraketa Hernanitik urrun egitea. Udaleko aretoa hernaniarrez lepo zegoen bitartean, Jose Antonio Rekondok eta gainerako alderdi politikoek Udala Donostian osatu behar izan zuten, Gipuzkoako Foru Aldundiaren egoitzan.

Hiru urte hauetan Hernanik izan duen eragin zuzenetakoa udaletxea «beren gotorleku itxia» bilakatu izana dela nabarmendu dute herri plataformako kideek, herritarren parte-hartzeari ere ateak itxi baitiz- kio Udalak.

soldata hirukoitzak

Udaletxea kamerez josteaz gain, Bildu Hernaniko ordezkariei Udalaren jardueren gaineko informazioa eskuratzeko oztopoak baino ez dizkietela jarri salatu dute; gainera, identifikatu ere egin izan dituzte.