- Aizkora (Gipuzkoako Bigarren Maila)
Ugarteburu izan da onena lehen kanporaketan
DONOSTIA
Urte asko txapelketa ofizialetatik kanpo eman ostean, atzo itzuli zen lehiaketa ofizialetara Joxe Ugarteburu, eta Ezkiokoak aise bereganatu zuen Gipuzkoako Bigarren Mailako kanporaketa, bigarren sailkatu baitzen Lasari ia minutu bat atera ondoren. Saioa Legorretan jokatu zuten, eta zaleek ederki erantzun zuten.
Lehen kanporaketa horretan zazpi aizkolari aritu ziren, eta kirolari bakoitzak bi kana-erdiko eta bi 60 ontzako moztu behar izan zituen. Lehen hirurek lortzen zuten finalerako txartela, eta Ezkiokoarekin batera, Lasak eta Otaegik lortu zuten txartela. Beste finalerdia datorren igandean jokatuko dute Beasainen. Finala, berriz, San Inazio egunean izango da. Atzoko saioan, Ugarteburu jaun eta jabe izan zen, eta txapela lortzeko faboritoen artean dago.
Sailkapena
Txinga
Legorretan bertan jokatu zuten Gipuzkoako Txinga Txapelketa, eta ez zen inolako ezusterik izan, eta azkenean Agirregabiriak lortu zuen txapela 16 plaza eginda.
|
