Koldo Gilek eginiko keinua txapeldun batena da
Koldo Gilek eginiko keinua txapeldun batena da
Amets Txurruka
Nahiko etapa mugitua izan zen atzokoa. Hamalau bat txirrindularik ihes egin zuten lehenbizi, gero beste bostek, gero beste hamarrek, beste lauk... pila handi hori egin arte. Ihesaldi horiek oso arriskutsuak izaten dira; talde guztiek bizpahiru taldekide sartzen dituzte eta atzean ez dute lanik egiten. Baina ikusten zen baten batek ardura hartu behar zuela. Gu ondo gindoazen, Efimkin zihoalako ihesi eta bera zelako behin-behineko liderra. Orduan Euskaltel hasi zen tiraka, ahalik eta arinena; haizea ere sartu zen eta oso gogorra egin zen azkenean. Bestetik, benetako txapeldun baten modukoa izan zen Koldo Gilek Villegasekin egina. Gainera, oso erraz doala ikusi zen, motor txiki bat balu bezala, baina keinu aparta izan da Villegasekin izan zuena. Erlojupekoagatik, Koldo ez da espezialista, baina zein indartsu dagoen ikusita, ez dut uste denbora handia galduko duenik. Dena den, lidergoa galduta ere, igandean berreskura dezake. -
|
