- Buruz Buruko Txapelketa
Asko sufrituta, baina Berasaluze IX.a da Bigarren Mailako txapelduna
·Arretxe II.a garaitu ostean, Berrizkoak Lehen Mailakoan joka dezake hurrengo urtean
ARRETXE II 21
BERASALUZE IX 22
Pilotakadak: 235. Iraupena: 57. Markagailua: 0-4, 1-4, 1-5, 2-5, 2-6, 6-6, 8-6, 8-8, 9-8, 9-9, 9-11, 11-11, 11-15, 12-15, 12-17, 13-17, 13-19, 16-19, 16-20, 19-20, 19-21, 21-21, 21-22. Sakez: 5 Arretxe II.ak eta 5 Berasaluze IX.ak. Egindakoak: 15 Arretxe II.ak eta 19 Berasaluze IX.ak. Galdutakoak: 3 Arretxe II.ak eta 6 Berasaluze IX.ak. Gorabeherak: Giro polita Iruñeko Labriten, Arretxe II.aren eta Berasaluze IX.aren jarraitzaile dezenterekin.
DONOSTIA
Bigarren Mailako Buruz Buruko Txapelketa Bizkaian geratu da bigarren urtez jarraian, atzo Asier Berasaluzek joan den urtean Iñigo Leitzak lortutako txapela jantzi baitzuen. Berrizko aurrelariak neurketa zaila zuen Iker Arretxeren aurka, eta azken tantora arte sufritu behar izan zuen arren, hogeita bira iristeko gai izan zen. Hala, Berasaluze IX.ak hurrengo urtean Lehen Mailako Buruz Burukoa jokatzeko txartela bereganatu zuen; Aspek aurkakoa esan ezean, behintzat. Oraindik profesionaletan aurreneko urtea betetzeko bi hilabete falta zaizkion arren, Berasaluze IX.ak zilarrezko mailako txapelik garrantzitsuena jantzi zuen atzo. Sufrimendu handiarekin, bai, baina merezimendu osoz, aurreneko kanporaketan ekin baitzion txapelketari. Neurketa oso gogorra izan zen eta berdinketa ugari gertatu zen. Hala ere, aurrelari bizkaitarrak partidako aurreneko lau tantoak jarraian lortu zituen, bi sakez guztira 50 lortu ditu hasierako jokaldiarekin jokatu behar izan dituen bost neurketetan; hamar norgehiagoka bakoitzeko eta beste biak ezker airez. Arretxe II.a borrokatzeko prest agertu zen, eta berehala berdindu zuen neurketa (6-6). Aurretik ere jarri zen zenbait unetan (8-6 eta 9-8), baina hortik aurrera aurkariak aurrea hartu zion. Berasaluze IX.ak partida erdian hautsi zuen norgehiagoka, baina errenta nabarmenik lortu gabe. 19-13koarekin bazirudien garaipenak ez ziola eskuetatik ihes egingo, baina Arretxe II.ak aldeak murriztu eta azken mementoan berdintzea lortu zuen (21-21). Azken kintzea ikusgarria izan zen. Aurrelari biek gogor borrokatu behar izan zuten, batak eta besteak garaipena eskuetan izan zuten, baina azkenean ezkerrez txokoan egindako dejada bati esker hogeita bira iritsi zen Berasaluze IX.a. Berriztarrak eskuin polita duela erakutsi zuen, ezker airez ondo moldatzen dela eta defentsan ere badituela errekurtsoak, baina ezker hori hobetu beharra dauka oraindik. Arretxe II.a, aldiz, saririk gabe geratu zen, baina urte biribila bete du; izan ere, Lau eta Erdiko eta Binakako txapelak irabazi ditu.
Gonzalez gana a Beloki y termina tercero
Sebastien Gonzalez se impuso con claridad a Rubén Beloki (22-5) y se hizo con la tercera plaza del Manomanista de Primera categoría, evitando así tener que medirse al campeón en la siguiente edición del campeonato. En apenas 35 minutos y 147 pelotazos, el delantero de Azkaine se mostró muy superior y dejó en evidencia a un Beloki falto de tensión. -
|
