- Gure Txapelketa
Euskal Herriak bi partida garaituta hasi du Kasselgo lehiaketa
DONOSTIA
Kasselgo «beste» Munduko Txapelketan Euskal Herria ordezkatzen duen taldeak bikain ekin dio lehiaketari. Lehen jardunaldian, bi garaipen eta berdinketa bat lortu zituen Oiartzun inguruko jokalariz osatutako taldeak.
Lehen neurketa Argentinaren aurka jokatu zuten, eta euskaldunek 1 eta 2 irabazi zuten. Bigarren norgehiagoka Alemaniako Fulda taldearen aurka jokatu zuten ondoren, eta berdinduta amaitu zen lehia, 2-2. Eguneko hirugarren eta azken partidan, Alemaniako Vibrant taldearen kontra, garaipen argia lortu zuen Euskal Herriak, 0-5.
Zazpi taldeko lau multzotan banatu dituzte parte hartzen duten 28 taldeak, eta Euskal Herriak sailkapena ia ziurtatua du.
|
