- Berezkoak
Berriro ere ezustea izan da Armendaritzen
DONIBANE GARAZI
Berriro ere ezustea izan da Armendaritzeko Torneoan, eta adituen ustez faborito zirenak finaletik at geratu dira. Muskarditz eta Etxeto ziren finalerdi horiek irabazteko faborito, baina 40 eta 29 galdu zuten Sorhuet eta Ozafrainen aurka, eta lehen finalerdian bezalaxe, faboritoak geratu dira lehiaketatik kanpo.
Irabazleek ongi merezita eraman zuten kanporaketa. Hobeto aritu ziren, eta hasieratik nagusitu ziren trinketean, eta amaieran hamaika kintzeko abantaila lortu zuten.
Amateurren finalerdian, berriz, Teileri eta Errekart izan go dira datorren igandeko finalean, Bonebeltxeri eta Olaizolari 40 eta 30 irabazi ostean.
Bi finalak datorren igandean izango dira Armendaritzeko trinketean. Hasteko, Amateurrena izango da, eta Teileri-Errekart Zaldubehere-Ducassouren aurka neurtuko dira. Berezkoetan, Ibarrola-Kurutxari Sorhuet-Ozafrainen aurka neurtuko dira.
|
