HAGA
«Diru sendoa da euroa eta gu bere zaintzaileak gara», adierazi zuen Europako BankuZentraleko presidente Jean Claude Trichetek Europako egunkari batzuek argitara emandako elkarrizketan.
Adierazi zuenez, zuzentzen duen diru erakundea «prezioen egonkortasunaren erantzule da euro-eremuan; lurralde horretan bizi diren 313 milioi biztanleentzat batez besteko inflazio moduan ulertuta». Estatu bakoitzeko eta Europako batez besteko inflazioaren arteko ezberdintasunaren ardura estatuena dela nabarmendu zuen Trichetek.
Europako BankuZentraleko presidenteak esan zuenez, interes-tasak beharrezkotzat jo duten unean igo dituzte, presioei muzin eginez. Adibide gisa 2004. urtean «Europako hiru herrialde garrantzitsuk» tasak jaisteko eskaera egin zutela esan zuen. «Diruaren prezioa %2an mantendu genuen prezioen egonkortasuna mantentzeko beharrezkoa ikusi genuelako eta gure mandatuari eutsi behar geniolako», azaldu zuen Trichetek elkarrizketan.
Interes-tasak berriro igoko dituzten galdetuta, Europako Banku Zentralak eginiko azken bileraren ostean plazaratutako jakinarazpena ekarri zuen gogora.Orduan, erne mantenduko zela adierazten zen.
Adituen ustez, «erne» dagoela esatea bankuek interes-ta- sak laster igoko dituzten seinale da.
Prezioen egonkortasuna ekonomia hazteko eta enplegua sortzeko tresna ere badela esan zuen Jean Claude Trichetek. Era berean, «lan kostuak murrizteko eta lehiakortasunaren galerari aurre egiteko unea» dela nabarmendu zuen Europako Banku Zentraleko presidenteak.
