Illarramendi: «Atzoko nekea igarri dugu, baina ondo egon gara»
DONOSTIA
Zarautz Arraun Elkarteko presidentea disfrutatzen ari da bere taldearen denboraldi hasierarekin. Atzo ere, larunbatean egin bezala, maila bikaina erakutsi zuten.«Oso gustura gaude. Estropada onak egin ditugu eta emaitzak ere oso onak izan dira orain arte», esan zuen. «Gauzak ondo irteten ari dira. Asteburuko estropada bietan bosgarren izan gara, eta hori pozgarria da», gaineratu zuen Illarramendik. Mailari eusteak helburu txikia dirudi orain. «Ez, ez. Oraindik goiz da hori esateko, baina horrela jarraitzen baldin badugu beste zerbait pentsatu beharko dugu».
|
