- Baionako Masterra
Lehen kanporaketan ez dago faborito garbirik
BAIONA
Baionako Masterra gaur jarriko da abian, final-laurdenetako norgehiagoka jokatuko baitute 20.00etatik aurrera Moderne trinketean.
Sorhuet eta Etxeto Larretxea eta Kurutxariren aurka neurtuko dira. Garaipena lortzen duen bikoak Binakako Txapelketako txapeldun Idiart eta Ezkurra II.aren aurka neurtu beharko ditu indarrak. Finalerdi hori abuztuaren 3an izango da. Beste finalerdia abuztuaren 2an jokatuko dute eta han Waltari-Martinez de Irujok Ibarrola-Ozafrainen aurka jokatuko dute. Gaurko partidarako parioak nahiko parean daude. Lehian arituko diren lau pilotariak maila onean ari dira, nahiz eta agian, une honetan, lauren artean ongien dabilena Andde Kurutxari izan daitekeen. Sorhuet eta Etxeto, berriz, orain dela hilabete batzuetako freskotasunaren faltan dabiltza.
|
