SAren diru laguntzekin �jolasean� aritzea egotzi dio Batasunak hirukoari
BILBO
Batasunak gogor gaitzetsi zuen atzo Gasteizko Parlamentuko Mahaia Sozialista Abertzaleak legebiltzar taldeari dagozkion diru laguntzekin �jolasean� ari dela. Prentsa adierazpen baten bitartez gogorarazi zuen moduan, bezperan jakin zen Gasteizko Parlamentuko Mahaiak Auzitegi Gorenera dokumentazio berria bidaliko duela SA taldeari zegozkion diru laguntzen harira; diru hori auzitegiak eskatu du orain, ekinbide sozialetara bideratzeko.Batasunaren esanetan, eskaera horren aurrean hirukoak diru hori dagoeneko xahutua dagoela dio, eta, hortaz, beste txosten bat igorriko du Auzitegi Gorenera, �gaizki ulertzea bideratzeko�. Baina, alderdi independentistak hauxe argitu zuen: �Guzti honen atzean errealitate gordin bat baino ez da ezkutatzen. Hau da, EAJ, EAeta EBk egin duten lapurreta�. �SAri legez dagokion dirua lapurtua izan da, eta, beraz, neurriak hartu behar dituzte dagokionari bere dirua itzultzeko�, azaldu zuen. Izan ere, Batasunak gogorarazi zuen hauteskundeen ostean herritarrek hautatutako talde parlamentarioari dagokion dirua berari dagokiola. Eta, horrenbestez, �onartezina eta erabat lotsagarria� iruditzen zaio auzi horretan hirukoak erakutsi duen jarrera.
�Ardurak, berehalakoan� �Apartheid politiko antide-mokratikoaz baliatzen dira hainbat instituziotan ez da-gozkien karguak hartzeko. Horrez gain, ez dagozkien diruak xahutzen dituzte inolako arrazoi eta argudiorik gabe, eta, bide batez, Auzitegi Goren espainolarekin kolaboratzen dute erabat onargarria ez den ekintza bat justifikatzeko�, gaitzetsi zuen alderdiak.
Hori hala, indar independentistak �ardurak eta neurriak berehalakoan� eskatu ditu, baita �demokratikoki� dagokien dirua itzultzea exijitu ere. Izan ere, haren esanetan, �gehiegikerien egunak amaitu baitira jada�.
|
