Zabortegi nuklearraren arriskua Baldegobian
BILBO
Garoñako zentral nuklearrari buruz iragarri zen itxiera ez baieztatuaren inguruan sortutako polemikarekin batera, bestelako albiste batek astindu ditu hautsak Euskal Herrian. Izan ere, Baldegobia eta Lantaron udalerriak biltegi nuklearra zabaltzeko aukeren artean aztertuko ditu Gobernu españolak, atzo zabaldutako informazioaren arabera.
Emilio Olabarria Madrilgo Ganberako EAJren parlamentariak GARAri azaldu zionez, kezkatzekoa da Garoñako zentralaren gainean dagoen uztiapena 10 urtez luzatzeko eskaera. Horregatik, bihar eta etzi zenbait gestio egingo dute Madrilgo Exekutiboaren aurrean, dituen planak zehatz ditzan, eta Arabako herriari dagokionez, kontaktuak izan diren eta zeren gainekoak izan diren azal dezan.
Zentral Nuklearren eragin zonaldean dauden udalerriak biltzen dituen elkarteak (AMAC) Baldegobia hondakin erradiaktiboen zabor- tegia hartzeko hautagai izateko gestiorik egin izana «erabat gezurtatu» zuen atzo. Informazioa eskatu bada, udal guztiek batera egin dutela nabarmendu zuten.
|
