Ostolazak irabazi zuen Bizkaiko lehen kanporaketa
·Berrehun eta berrogeita hamar lagun bildu ziren Zamudioko kiroldegian
BILBO
Gorka Ostolaza bertsolari markinarrak irabazi zuen joan den igandean Zamudion egin zen Bizkaiko Bertsolari Txapelketako lehen kanporaketa. Ostolazak 409,5 puntu atera zituen eta, horrenbestez, finalaurrekoetara igarotzeko aukera eskuratu du. Honela sailkatu ziren Gorka Ostolazarekin batera lehiatu ziren beste bost bertsolariak: Miren Ibarluzea (394,5 puntu), Beñat Ugartetxea (387,5 puntu), Eneko Abasolo (375,5 puntu), Amaia Uribe (330 puntu) eta Mikel Galarza (308 puntu). Zuriñe Iarritu izan zen saioan aurkezle aritu zena. Bost bertsolariok puntuazioaren arabera igaroko dira bigarren fasera.
Sailkapenean ikusten denez, saio orekatua izan zen eta maila politekoa. Datorren igandean Sestaoko Musika Etxean jokatuko dute Bizkaiko Txapelketaren bigarren kanporaketa eta Arrigorriagan, Igorren eta Aulestin izango dira ondoko hitzorduak.
|
