- Superliga
Txuri Urdinek galduz ekin dio denboraldi berriari
DONOSTIA
Ez da ongi hasi denboraldia Txuri Urdinentzat, 2-8 galdu baitzuen Ligako lehen partida Puigcerda taldearen aurka.
Partidaren gakoa bigarren zatian egon zen. Euskaldunei jokalari bat baino gehiago kanporatu zizkieten, eta katalanek hori baliatu zuten.
Norgehiagoka ongi hasi zen, eta lehen zatian Txuri Urdin ongi aritu zen. Joko on horri esker, 1-1ekoarekin joan ziren lehen atsedena hartzera. Bigarrengoan, ordea, kanporaketak heldu ziren, eta Puigcerdak norgehiagoka eraba- kita utzi zuen. Sei gol lortu zituzten kanpotarrek, eta 1-7koarekin joan ziren jokalariak bigarren atsedena hartzera.
Hirugarren zatia hasterako dena erabakita zegoen, baina berriro ere Txuri Urdin ongi aritu zen, eta talde bakoitzak gol bana egin zuen, eta amaieran 2-8koarekin amaitu zen. Bigarren zatikoa hobetu beharko dute gipuzkoarrek.
|
