Etxeak eraikiko dituzte Mauleko hiltegiaren ondoan
MAULE
Mauleko auzapezak hiriko hiltegiaren ondoan dagoen lur-eremuan etxeak egitea baimendu du, baina soilik hiltegitik urrunen dagoen aldean. Irailaren hastapenean ELB sindikatuak 100 pertsona bildu zituen elkartaratze bat antolatu zuen Mauleko hiltegia arriskuan zegoela salatzeko, behin etxebizitzak egiten baziren hiltegia handik kendu behar zela argudiatuz.
Hiriko auzapez sozialista Denis Barbe-Labarthek egitasmoaren bigarren fasea debekatu du, hots, hiltegiaren ondoan egin behar ziren etxeen eraikuntza. Hainbat bilkura egin eta gero etxebizitza-sustatzaileak hiltegiaren inguruan ez eraikitzea onartu du Herriko Etxeak udalean eraikitzeko beste lur-eremuak badaudela adierazi dionean. Hiltegitik gertu dagoen eremua Herriko Etxeari ematea onartu du etxebizitza-sustatzaileak.
|
