- Berezkoak (Baigorriko Torneoa)
Ibarrola eta Dermit finalerako sailkatu dira
IBARROLA - J.C.DERMIT
40
SORHUET - OZAFRAIN 36
DONOSTIA
Ibarrolak eta Jean Claude Dermitek osatzen dute Baigorriko Torneoko finala jokatzeko sailkapena lortu duen estreinako bikoa, atzo jokatutako lehen finalerdian Sorhuet eta Ozafrain menderatu ostean.Azken horiek ziren aurrera egiteko faboritoak, baina amaieran kanpoan geratu behar izan zuten. Ibarrolak eta JeanClaude Dermitek hastapenetik hartu zuten abantaila, eta amaierara bitarte lortutako emaitza horri eusteko moduan izan ziren. Bigarren finalerdia datorren igandean jokatuko dute. Bertan Etxeberri-Kurutxari Larretxea-Ezkurra II.aren aurka neurtuko dira.
Urrezko Eskua
Pelote Passion enpresak antolatzen duen Urrezko Eskua Torneoko bigarren jardunaldia jokatu dute jada. Azkenean ez da Loquillo mexikarra etorri, eta haren ordez Lazkano sartu da. Uriarterekin jokatu zuen eta 40 eta 27 galdu zuen. Bigarren partidan, Mikel Goñi trinketean ikusteko modua izan zen, baina Oronozkoak aise galdu zuen MarcBerasategiren aurka. Azkaindarrak 40 eta 26 hartu zuen mendean aurrelari nafarra.
|
