- Areto futbola
MRA Navarrak sailkapenean gorantz jarraitu nahi du
BAIONA
MRA Navarrak sailkapeneko goiko aldean zergatik dagoen erakutsi nahi du gaur Torrejonera egingo duen bisitan. Berdeek Liga ongi hasi ez bazuten ere, berehala hartu zioten tamaina denboraldiari, eta bigarren fasea jokatzeko hautagaiak direla erakutsi dute.Gaur 18.15ean hasiko den partidan aurrez aurre izango duten taldea, ordea, indartsua da. Hala ere, Carnicer Torrejon taldea partida onak eta txarrak izaten ari da. Esaterako, joan den astean Interviu menderatu zuen, eta aste erdi honetako partidan galdu egin zuen Guadalajaran. Jokalariei dagokienez, Imanol Arregik aurtengo denboraldian lehen aldiz denak prest izango ditu. Lukaian kili-kolo ibili da, baina osatu da eta jokatzeko moduan dago.
|
