BRUSELA
Turkiarekin batera iazko urriaren hasieran ekin zion Kroaziak Europar Batasunean sartzeko negoziazioari. Orain arte, bide bera ibili dute bi estatuek.Egun, ordea, eta EBk Turkiarekin negoziatzen ari zen zortzi kapitulu bertan behera utzi dituen bitartean, bigarren kapitulu bat zabaldu du Kroaziarekin; Hezkuntza eta Kultura arloei buruzkoa, hain zuzen.
Are gehiago, datozen hilabeteetarako «aurrerapauso garrantzitsuak»izango direla esan du EBko Handitze komisario Olli Rehnek. Urtea amaitu aurretik hiru kapitulu zabaltzea espero dute: politika ekonomikoarena, muga-batasunarena eta industria politikarena.
«Orain arte, Turkiaren aurkakoak ez ziren ausartzen Kroaziarekin kapitulu berriak irekitzen, baten alde eta bestearen aurka egiten zuten itxurarik ez emateko (...) Hemendik aurrera, ostera, Kroaziarenak abiada izugarria hartuko du», azaldu du iturri diplomatiko batek.
Amanda Akçakoca adituak uste du, ostera, «Turkiaren auzia dela-eta ezin dela Kroazia bahitu (...)». «Turkia herrialde handia izanik, arazo handiak ditu; Kroazia, ostera, herrialde txiki bat da, beraz, bistakoa zen une batetik aurrera bakoitzak bide ezberdina hartuko zuela», azaldu du aditu horrek.
Rehnek hamarkadaren amaierarako Kroazia EBn izatea espero du. Turkiak, ostera, «hamar, hamabost edo hogei urte itxaron beharko du».
Kroaziak badu, ordea, etsai bat: kide berriak hartzeko hainbat gobernuk azaldu dituzten kezkak, Pariskoak tartean.
Erdogan critica la «injusticia»
El primer ministro turco, el islamista «moderado» Recep Tayip Erdogan criticó duramente la decisión de los Veinticinco, «dura prueba para las relaciones bilaterales», aunque reiteró su compromiso de continuar adelante. Los grandes grupos del Parlamento de Strasburgo apoyaron la congelación del proceso de negociaciones. -
