«Gobernua bahituta dago», salatu du Landak Madrilen
·Prozesua «amaieraraino» eraman nahi duela ezker abertzaleak azaldu du bertan
Ezker abertzalearen borondatea garbia dela adierazi zuen atzo Karmelo Landa ezker abertzaleko ordezkariak Madrilen. Hedabide ugariren arreta erakarri zuen horren hitzaldiak. Errepresio bideak erabiliz ez dela irtenbiderik egongo azaldu ostean, Zapateroren Gobernua «bahiturik» dagoela esan zuen.
MADRIL
Estatu espainoleko hedabide ugarik arretaz entzun zituen Karmelo Landaren hitzak, eta ezker abertzalea prozesua «amaieraraino» irits dadin bultzatzeko prest dagoela esan zuela nabarmendu zuten berri agentziek. Izquierda Castellana alderdiak gonbidatuta joan zen Landa Madrilera, eta horren kide Doris Benegasekin batera egin zuen egoeraren inguruko hausnarketa. Dignidad y Justicia eskuin muturreko taldeak debekua eskatua zuen.Eurolegebiltzarkide ohiaren ustez, «funtzionatu ez duena» aztertu behar da orain. Polizia eta errepresio bideen bitartez gatazka konpontzerik ez dagoela aipatu ondoren, aurrera egin ezean, egoera «guztien kalterako» «larriagotuko» dela adierazi zuen. Zapateroren Gobernua sakon kritikatu zuen Landak. «Behar baino ge- hiago irentsi du», esan zuen. Ezker abertzaleak ez zuela jokabide hori espero adierazi ondoren, Gobernua PP- ren eskuetan «bahituta» dagoela esan zuen. «Ez du Estatuaren ildo politikoa agintzen», azaldu zuen kezkaz.
|
