GARA > Idatzia > Kultura

Lamazouk munduko emakumeak omentzen ditu erakusketa batekin

Titouam Lamazou artistaren marrazkiak, margolanak eta argazkiak izango dira ikusgai urtarrilaren 11 arte Biarrizko Sainte Eugenie elizan. «Munduko emakumeak» izenburua daukan erakusketaren bidez, artistak emakumeak omentzea du xede. Emaztearen irudia, munduko errealitateen lekuko bilakatu nahi izan du artistak. Bere esanetan, emakumeak egun jasaten duen zapalkuntza inoiz baino handiagoa da. Errealitate hori erakutsi nahi izan du.

Iruña Veleia auzian ziurtasun eza dagoela salatzeko manifestua abian

Aginalde Elkarteak eta Euskararen Jatorriaren Elkarteak Iruña Veleiako gertakizunen inguruan ikerketa serio eta sakona abian jar dadin aldarrikatu zuten atzo. «Frogarik gabe eginiko salaketa» bazter utzi eta Eliseo Gilen arkeologo taldeak aztarnategian lanean jarrai dezala eskatu zuten, txostenek azaldutako arrazoiek zentzurik ez dutela argudiatuta.



Hitzaldi eta ikuskizunen bidez, Lazarraga poeta arabarrari buruz jardungo da Artium museoan

Enrike Knörrek Aramaion burutzen zuen ekimenari lekukoa hartuz, izaera dibulgatiboa izango da aztergai Geu elkarteak antolatutako jardunaldiotan. Hitzordua, hilaren 9tik 11ra Gasteizko Artiumen.


Igo