Atzo estreinatu zen Aloze-Ziboze-Onizegainen aurtengo pastorala, «Belagileen trajeria». Eguzki indartsu baten azpian 1609an lapurtarrak «Ürtu zela nonbait ekia» pentsaraztera ekarri zituen sorginen epaiketen zorigaitzaren berri eman zuten aloztarrek. Hitzetan gogorra eta antzezpenean bizia izan zen emanaldiak jende andana bildu zuen, bai eserlekuetan, baita zuhaitz azpietan ere. Hurrengo urterako Ezpeize-Ündüreine herriak hartuko du lekukoa.

Euskal Herriko txoko ezberdinetako tokiko telebistek badute dagoeneko Interneten euren ataria. Tokiko.tv helbidearen bitartez, albiste eta eduki guztiak euskaldun guztien eskura jartzea du helburu, horretarako tokiko telebistei beste erakusleiho bat eskainiz.