- Harri-jasotzea
Irigoien beste marka eder bat egiteko asmotan da
DONOSTIA
Bihar eguerdian Azpeitiko zezen-plazara hurbiltzen direnek, harri-zulatzaileen apustua ikusteaz gain, Aimar Irigoienen marka saiakera bat ere ikusi ahal izango da.Errezildar gazte horrek 150 kiloko harri kubikoa izango du aurrez aurre, eta hiru minututako bi txanda izango ditu lanerako. Bere adinean inork egin ez duen marka egin nahi du errezildar gazteak. Beretzat, gainera, egun berezia izango da biharkoa. Bere aita zendu zenetik lehen marka saiakera izango du. Orain arte beti alboan izan du, lan ezberdinak egiten, beraz, biharko ahalegina seguruenik ere izango du nori eskainia.
Etxauriko harri baldarra
Bihar, 12.30ean hasita, Etxauriko pilotalekuan jokatuko da bertako harri baldarrarekin egiten den lehiaketa. 136,200 kilo pisatzen duen harri zahar hori ia 50 urtetan geldirik egon ostean, Patxi Larretxeak jaso zuen orain sei urte, eta iaz Josetxo Urrutiak sei aldiz jaso zuen bost minututan.Bihar eguerdian, Larretxea, Urrutia eta Igoa neurtuko dira harri trakets horrekin lanean. Estreinako biak dira azkeneko urteetan jasotzen bakarrak, eta elkarren arteko lehia polita iragartzen da bihar eguerdian Etxaurin.
|
