EHNArekin bozkatzeko deia egin dute ikasleek
·«Eskubide osoko euskal herritar gisa» beren burua EHNArekin agertzera deitu dituzte ikasleak
BILBO
Etzi Araba, Bizkaia eta Gipuzkoako unibertsitate campusetan ikasleen kontseilurako ordezkariak aukeratzeko hautestontziak zabalduko dituzte. Atzo, ikasleen ordezkaritza zabal batek bozka emateko EHNA erabiltzera dei egin zuen. «Euskal Herria eta euskal herritarron izatea oinarri hartu eta errespetatzea ezinbestekoa delako», azaldu zuten. «Gu ez gara ikasle espainiar edo frantsesak euskal ikasleak gara! Eta Euskal Herria da gure nazioa», gaineratu zuten.
Era berean, Bai Euskal Herriari herri ekimeneko Mikel Luloagak egindako deialdia txalotu eta «eskubide osoko euskal herritar gisa» beren burua EHNArekin agertzeko egindako deia berretsi zuten.
Bestalde, EHUko errektoretzari nazio aitortza onartzeko deia egin zioten: «Badakigulako aurreko hauteskundeetan deialdi bereziak egin dituela EHNAonartu ez zedin».
«Luloagak Euskal ikasleek diren bezala agertzeko duten eskubidea urratzen badu, Euskal Herriaren izatea, hitza eta erabakitzeko eskubidea ukatzen dutenekin lerratuko da», jakinarazi zioten ikasleek errektoreari.
|
