Jai erraldoia Gor diskotxeak 15 urte egin dituelako
IRUÑEA
Aurten 15 urte betetzen dira Gor diskoetxea sortu zenetik eta bere arduradunek jai handi bat antolatu dute. Apirilaren 8an izango da, larunbata, Iruñeko Artsaia aretoan. Gaueko hamarretan hasiko da eta goizaldeko ordu bi eta erdietan bukatuko. Sarrera doan izango da, eta bertan arituko diren talde guztiek ere musu-truk joko dute. Jaiaren iraupena mugatzeko talde bakoitzak eskainiko duen tartea oso laburra izango da, hamar-hamabi minutu ingurukoa. Emanaldien tarteetan hainbat bideo izango dira ikusgai, berriak zein iraganekoak. Joko duten taldeak hauek izango dira: Sk (Iruñea), Ezinean (Azpeitia), Stupenda Jones (Sakana), Leihotikan (Iruñea), Brigada Criminal (Lazkao), Kerobia (Iruñea), Chicarela (Lizarra), Lendakaris Muertos (Iruñea) eta Skunk (Hendaia).
|
