Uztaritzeko auzapezaren jokaera salatu du HBDk
UZTARITZE
Herria Bizi Dadin udal taldeak fermuki salatu du Uztaritzeko auzapezak azken osoko bilkuran izan zuen «jokaera antidemokratikoa». Zerrenda abertzaleak, Ezker anitzeko beste zinegotzi batek eta gehiengoa duen taldeko auzapezordeak berak ere galdera zuzena egin zioten Gizartegintzako udal-zentroko langile baten aurka abian jarri duen prozedura dela-eta.
Bernard Auroy auzapezak, ordea, ez zien galderoi erantzun, eta bilkura amaitutzat jo zuen. Gainerako zinegotziei aferaren berri ukaitea eragotzi zien.
HBDk adierazi du «demokrazia bera eta herritarren ordezkari diren zinegotzien informazio-eskubidea» urratu dituela auzapezak, eta langile hari, dimisioa aurkez zezan, «pertsonalki egin dizkion presioek» bere taldeko zinegotziak ere «txundituta» utzi dituztela.
|
