- Areto Futbola (Nesken Ohorezko Maila)
Hegoaldek astindua hartu du Valentzian
DONOSTIA
Hegoalde Tolosakoak astindu handia hartu zuen Valentzian, sailkapeneko azkenekoaren aurka 5-0 galdu baitzuen. Etxekoek asko zuten jokoan, heldu den urtean maila nagusian jarraitu nahi baldin badute irabazi beste aukerarik ez baitzuten, eta horixe gin zuten valentziarrek.Presio handia eginez kantxaratu ziren valentziarrak, eta gipuzkoarrei pentsatu ere egiteko astirik ez zieten ematen. Atsedenera joan aurretik 3-0 aurreratu ziren, eta ia partida erabakita utzi zuten, tolosarren erreakziorik ez baitzen nabaritzen. Bigarren zatian ere etxekoak erabat nagusitu ziren, eta Hegoaldekoak ez ziren izan gol bakar bat egiteko ere gai. Arana, Barrio, Aldezabal, Delgado eta Lopez aritu ziren hasieratik Hegoalden. Gero, Azpilikueta, Emi, Ugarte eta Arana ere aritu ziren partidan zehar.
|
